آرازنیوز: تبریز موخابیری / توران سومئر : پنجشنبه موردادین 6 سی آذربایجانین تام شهرلریندن آرابالار ساولانا داغینین یولوندا گوزه دییردی کمپه چاتارکن 100 یاخین چادیر سیغیناغین دیشیندا قورولموشدور.
ناطق نوری ایرانن دینی لیدرینین دانیشمانی بیر سورو قوروماجی سی ایله ساهات 11:00 ده کمپه گلدی.
سس سیستملری قورولماسی و فارسجا ماهنی یایئلماسی گوزه چارپردی و آیرجا قالابالیق اولان بسیج و امنیتی قوولرین کامئرالاری و آردیجیل فارسجا ماهنی یایئلماسی میللی فعاللاری تحریک ائتمک نییتینی آنلاماق مومکونودور.
ناهار اذان زامانی میللی فعاللارین بیرچوخو توپلو ناماز قیلارکن بیر خورداد و قاراباغ شهیدلری روحونا صلوات اوخودولار. نامازدان سونرا تکرار فارسجا ماهینیلاری یایماغا دوام ائتدیرن اطلاعات مامورلاری خالقی یونتمک اوچون فارسجا "زورخانا" ماهنیسینی یایئردی اما بو قورقودا آلینمادی.
آخشام ساهات 4:30 جیواریندا آذربایجان سسی کمپین دوغو طرفیندن اوجالدی و خالق اونلارا دوغرو یورومگه باشلادیلار 400 یاخین میللی فعال اورادا توپلانیب اونجه " یوردوم یووام مسکنیمسن آذربایجان" خالق ماهنیسین اوخودولار و آرخاسیجا "یاشا آذربایجان" ماهنیسی بوزقورد ایشارتی ایله ساوالانا سس سالدی.
اورادا حاضر اولان بیر میللی فعال استاد جعفری نین "ساوالان"شعرینی اوخویارکن خالقی جوشلاندیردی و اینسانلار آلیقیشلا بو شعره یانیت وردیلر بو آندا اطللاعات قوولری فارسجا ماهنیلارین سسینی اولدقجا یوکسدیلر کی میللی فعالارین سسین بوغسونلار دئیه هر طورلی بو تورنی انگلله مه یه چالیشیردیلار.
ساهات 17:00 ده "اورمولو" بیر خانیم " دونیا بیزیم اولاجاق" شعرینی اوخیارکن خالقی اتکیلندیردی وباشقا شهرلردن گلن سویداشلارمیزدا شعر اوخودوقدان سونرا 17:35 ده تانینمیش میللی فعال آبباس بئی لیسانی چیخش ائتدی چیخیشدا آبباس بئی ایلک اونجه حبسیده اولان میللی فعالاردان یاد ائتدی و شوونزم سیستمین هدفه آلان آبباس بئی اونلارین ابزارلاری اولان زیندان، ایشکنجه،ترورلاردان قوخمادان بو قوتسال یولوموزا دوام ائدجییق . لیسانی بئی بولگه ده اولان آزادلیق حرکتین گوزه آلاراق بوتون فعاللار " مصلحتلی سسیزلیک و سوقونلوغا" چاغیریب.
آبباس بئی سوزلرنین سونوندا "اورمو گولو" قوروماسی و باتی آذربایجان کوردلشدیرمه مسئله سینه ده توخونودو.
توره نین سونودا بر نئچه بندلیق بیانات اوخوندو "یاشاسین آذربایجان" سوزو ایله یانیت وریلدی بو بیانات سونا یایلاجاق.
ساهات 18:30 ،6 پلیس ماشینی کمپه داخل اولدو و اورادا اولان ایطلاعت مامورلار ایله میللی فعاللاری گوزدن کئچیریدیلر.
Hiç yorum yok:
Yorum Gönder