Son günlerde İran adlanan ölkenin yazili resanelerinde ve internet sitelerinde ,ölkede var olan karxanaların( fabrika) bağlanması ve iflas etmesiyle elageli xeberler çox görünür. bu karxanaların bağlanması, İran adlanan ölkede gün keçdikce yavaş yavaş böyük bir bohrana tebdil olur, Keçen ilden bu yana dünya çapında bir neçe karxana , igtisadi bohrandan ötürü, tetil olmaq mecburiyetinde galmışdı, ancaq dünya ölkeleri özlerine vezife bilerek çaba xerce verib ,bu olumsuz hadiseni başarıyla atlatmışdılar, ama söz qonusu İrana gelende mesele çox ferqli olur , bu ölkede karxanaların bağlanmasını dünya igtisadi bohranına bağlamak çox menasiz bir fikir olur, İran ölkesinde karxanaların çoxu sunneti teknoloji ve ucuz mevvedde suxtiyle ( yakıt)çalıştığı üçün, supsitlerin galdırılmasıyla birlikde,bu bohranla üz üze galıblar ve belelikle bu karxanalar bağlanmaya üz getirbler, İrandaki karxanalrın çoxu ucuz mevadde suxtiyle çalıştığı üçün ,suxtun bahalanmasıyla birlikde ,dünya bazarinda riqabet gücünü elden veribler, ve buna göra ki dünya bazarında müşterileri yox olma seviyesine geder düşübdür,mecbur galıblar qaplarını çekib bağlasınlar.
Bir başka neden ki karxanalarinin bağlanmasında İran adlanan ölkede rol oynamaqdadır, bireviyye olaraq ecnasın ölkeye ithal edilmesinden qaynaqlanır ki bu emel dovletin terefinden bernamesiz olaraq encam tapır.
Bu barede Ehsan seyidi ekinçilik idaresinin pejuheşgeri resanelerin birine verdiği güzarişte bildirib ki : dovlet terefinden şekerin ölkeye bireviye olarak xaricden getirilmesi sebeb olub
iranda bu zeminede çalışan bir neçe karxana tetil ola, ve bunun yanında, ekinçilikle keçinen ekinçilerimiz, elde ettikleri çuğundur mehsulunu, bu varidate bireviye üzünden satamayıblar ve belelikle maddi müşküllerle üz üze galıbar.
Elde olan amarlara göra bu bireviyye ve bernamesiz varidad İran adlanan ölkede 32 qend üreten karxananı tetil eleyibdir ve 1000 nefere yaxın işçide işlerini elden veribler. Keçenlerde ,Urmu şehrinin Numayendesi( millet vekili) İran islam şura meclisinde apardığı danışığında bireviye olaraq meyvelerin ölkeye getirilmesini, yetkililere tezekkur veribdir, Numayende sözlerinde bezi messulları,işlerinde başi soyuqluq etmeleri üçün suçlayıbdır ve gümrükden qanunsuzca ecnasin ölkeye getirmemeleri haqqında yetkilileri uyarıbdır.
Numayende sözlerinin idamesinde bildirdi ki : Bu varidate bi reviyyenin üzünden , Urmu şehrinde yetişen miyveler ,miyve yetiştiren bağçıların elinde galib,ve bu bağçılar mecbur galıblar mehsullarini serdxanalarda tutalar,ve belecede serdxanalarin hezinesi bahalı oldugu üçün ,zehmetkeş bağçılarımız maddi cetinliklerle üz üze galiblar, indi ise serdxanalarin hammisi bağdarlarin ürettikleri meyvelerle dolubdur ve artiq serdxanalarda heç bir yer yoxdur.
İran adlı ölkede Karxanalarin tetil olmasiyla elageli irna xeberguzarisinin verdiği güzarişe göre:
pars elektirk karxanasi 6 ay bundan önce tolidatin bazarda müşterisi olmamasi üçün, durdurubdur.Bu hadiseynen birlikde bu karxanada çalişan 400 işçide işsiz qalarak ölekede işsizler gişrine qatiliblar. İranin vezir nirusu dovlet telviziyonunda verdiği danishigda deyib ki: karxanalarin tetil olmasi bir mehz yalanladı ve bu xeberlerin çoxu şayedir, ama olabiler karxananın bir bölümü tetil ola, ama bu tetil olmağın sebebide, o karxanalarda temiratan qaynaqlanır...
İrna xebergüzarisinin tehqiq guruhu da apardıqları teqiqlere dayanarak bildirib: İhtimali var pars karxanasinin ev eşyasini tolid eliyen bölümü, yaxin gelecekde tetil olsun. eger karxananin bu bölümü bağlanırsa orda çalişan 900 işçininde, işsiz qalmasi hetmi olacaqdır.burda bir calib nokteye işare etmemiz lazimdir ki, keçen il ev eşyalarini tolid eliyen karxanalarinin içinde, pars karxanasi iran adlanan ölkede hem tolidatinda hemde satışlarında numune çixmiştir ve ödül almışdır.
Nessaci senetide ( tekstil) günü gününe iran ölkesinde durumu pisleşir, İranin nessaci senayisinin debiri apardiği Hemşehri qazetesinen danışığında bu durumdan nigerançılığını bildirbdir,ve sözlerinde deyib ki : ölkeye xaicden bireviyye olaraq tolidi iplerin varid olunması ve ölkede tolid olan iplerin karxanalarin depolarında saxlanması,nessaci karxanalarını müşküle soxubdur, ve belelikle eskilerde üç şifte çalişan karxanalar, bu sebeblerteden dolayi tek şift olaraq çalişirlar bu ceryanda sebeb olub ki bu karxanalarda çalişan kargerlerin 3 de 2 de işlerinden ayrılalar. Eger devlet terefinden bu hadiseye mudaxile olunmazsa, nessaci vahidlerinin bir Çoxu 1390 ilinin sonuna geder tetil olacaqlar ve burda çalişanlarda işsiz qalacaqlar...
İran adlanan ölkede keçen il, işsizliğin böyüme orani yüzde 19 olarak sebt olubdur, amarlar görsedir ki , bu bohranla birlikde indiye geder 400 tolidi vahidleri çalişmalarini durdurublar. ve belelikle 400 minden çox işçide işlerini elden veribler,
İsa Mohamad Kemali Buşehr şehrinin işçi evinin mesuli , Eseluyede calişan insanlarin sayisini 4 il bundan önce 60 min nefer olaraq elam eleyibdir , kemali sözlerinin idamesinde son zamanlarda bu çalişanların sayısı 8 min nefere qeder azaldığınıda bildiribdir, bu da o demekdir ki sadece Eseluyede 52 min nefer işlerinden olublar ve ölkede işsizler sayısına qatiliblar.Kemali Eseluyede çalışanların yüzde 90 faizin azalmasının sebebini, karxanalarin tetil olmasinda ve İranda var olan senayi bohraninda görür.Bu karxanalarin bağlanmasiyla birlikde ölkede feqr xettinin aşağısında yaşıyanların sayısı bir neçe qat çoxalıbdır.
İran dovletinin resmi amarlari iran ölkesinde 4 milyon işsiz insan oldugunu bildirirler, ama bunuda bildirmeliyik, iran devleti heftede bir saat çalışanları ve xiyabanlarda sigar satanlarıda iş sahibi olanlar kimin hesablayib ve bu amara yerleştirbdir, ama işsizlerin sayisi resmi olmayan amarlarda daha cox görünür ve günü gününede çoxalmaqdadır.
Günaz radio : Siamak Babanezhad
Hiç yorum yok:
Yorum Gönder